مومن

اِنَّمَا الۡمُؤۡمِنُوۡنَ الَّذِيۡنَ اِذَا ذُكِرَ اللّٰهُ وَجِلَتۡ قُلُوۡبُهُمۡ وَاِذَا تُلِيَتۡ عَلَيۡهِمۡ اٰيٰتُهٗ زَادَتۡهُمۡ اِيۡمَانًا وَّعَلٰى رَبِّهِمۡ يَتَوَكَّلُوۡنَ ‌‌ۖ ‌ۚ‏ ﴿۲﴾ الَّذِيۡنَ يُقِيۡمُوۡنَ الصَّلٰوةَ وَمِمَّا رَزَقۡنٰهُمۡ يُنۡفِقُوۡنَؕ‏ ﴿۳﴾ اُولٰۤٮِٕكَ هُمُ الۡمُؤۡمِنُوۡنَ حَقًّا ‌ؕ ﴿۴﴾

سچے مومن وہ ہیں کہ جب اللہ کا ذکر کیا جائے تو ان کے دل لرز اٹھیں، جب انہیں اس کی آیات سنائی جائیں تو ان کا ایمان بڑھ جائے، اور وہ صرف اپنے رب ہی پر بھروسہ رکھیں۔ (2) وہ نماز قائم کرتے ہیں اور اس میں سے خرچ کرتے ہیں جو ہم نے انہیں عطا کیا ہے۔ (3) یہی سچے مومن ہیں۔ (4)

اِنَّ الَّذِيۡنَ اٰمَنُوۡا وَ عَمِلُوا الصّٰلِحٰتِ يَهۡدِيۡهِمۡ رَبُّهُمۡ بِاِيۡمَانِهِمۡ‌ۚ ﴿۹﴾

بلاشبہ، جو لوگ ایمان لائے اور نیک اعمال کیے، ان کا رب ان کے ایمان کی بدولت ان کو رہنمائی (ھدایت) فرماتا ہے۔

وَالۡعَصۡرِۙ‏ ﴿۱﴾ اِنَّ الۡاِنۡسَانَ لَفِىۡ خُسۡرٍۙ‏ ﴿۲﴾ اِلَّا الَّذِيۡنَ اٰمَنُوۡا وَ عَمِلُوا الصّٰلِحٰتِ ۚ ﴿۳﴾

اور عصر (کے وقت) کی قسم: ﴿1﴾ بے شک انسان خسارے میں ہے۔ ﴿2﴾ سوائے ان لوگوں کے جو ایمان لائے اور جنہوں نے نیک اعمال کیے۔ ﴿3﴾

فَمَنۡ يُّرِدِ اللّٰهُ اَنۡ يَّهۡدِيَهٗ يَشۡرَحۡ صَدۡرَهٗ لِلۡاِسۡلَامِ‌ۚ ﴿۱۲۵﴾

چنانچہ اللہ جسے ہدایت دینا چاہتا ہے، اس کا سینہ اسلام کے لیے روشن کر دیتا ہے۔

اَللّٰہُ نَزَّلَ اَحۡسَنَ الۡحَدِیۡثِ کِتٰبًا مُّتَشَابِہًا مَّثَانِیَ ٭ۖ تَقۡشَعِرُّ مِنۡہُ جُلُوۡدُ الَّذِیۡنَ یَخۡشَوۡنَ رَبَّہُمۡ ۚ ثُمَّ تَلِیۡنُ جُلُوۡدُہُمۡ وَ قُلُوۡبُہُمۡ اِلٰی ذِکۡرِ اللّٰہِ ؕ ذٰلِکَ ہُدَی اللّٰہِ ؕ (۲۳)

اللہ نے بہترین کلام نازل کیا ہے، ایک ایسی کتاب جس کی باتیں پہلی کتابوں سے آپس میں ملتی جلتی اور دہرائی جانے والی ہیں۔ اس سے خدا ترس لوگوں کی جلدیں لرزنے لگتی ہیں۔ پھر اللہ کے ذکر سے ان کی جلدیں اور ان کے دل نرم پڑ جاتے ہیں۔ یہی اللّٰہ کی ھِدایت ہے۔

وَمَنۡ يَّعۡتَصِمۡ بِاللّٰهِ فَقَدۡ هُدِىَ اِلٰى صِرَاطٍ مُّسۡتَقِيۡمٍ ﴿۱۰۱﴾

اور جو کوئی اللہ کا دامن تھام لے، اسے یقیناً سیدھے راستے کی ہدایت مل گئی۔

وَيَزِيۡدُ اللّٰهُ الَّذِيۡنَ اهۡتَدَوۡا هُدًى‌ؕ ﴿۷۶﴾

اور جو لوگ ھِدایت کے راستے پر ہیں، اللہ ان کی ہدایت میں مزید اضافہ فرماتا ہے؛

وَالَّذِيۡنَ اهۡتَدَوۡا زَادَهُمۡ هُدًى وَّاٰتٰٮهُمۡ تَقۡوٰٮهُمۡ‏ ﴿۱۷﴾

رہے وہ لوگ جنہوں نے ھِدایت پا لی ہے، تو وہ انہیں ھِدایت میں اور بڑھاتا ہے اور انہیں ان کی تقوٰی (پرہیزگاری) عطا کرتا ہے۔

اِلَّا مَنۡ تَابَ وَاٰمَنَ وَعَمِلَ عَمَلًاصَالِحًـا فَاُولٰٓٮِٕكَ يُبَدِّلُ اللّٰهُ سَيِّاٰتِهِمۡ حَسَنٰتٍ‌ ؕ وَكَانَ اللّٰهُ غَفُوۡرًا رَّحِيۡمًا‏ ﴿۷۰﴾ وَمَنۡ تَابَ وَعَمِلَ صَالِحًـا فَاِنَّهٗ يَتُوۡبُ اِلَى اللّٰهِ مَتَابًا‏ ﴿۷۱﴾

البتہ جو لوگ توبہ کریں، ایمان لائیں اور نیک عمل کریں، تو اللہ ان کے برے اعمال کو نیکیوں میں بدل دے گا۔ اور اللہ بہت بخشنے والا، نہایت رحم کرنے والا ہے۔ (70) جو شخص توبہ کرے اور نیک عمل کرے، تو وہ درحقیقت سچی توبہ کے ساتھ اللہ کی طرف پلٹ آیا ہے۔ (71)

اِنَّ الَّذِيۡنَ اٰمَنُوۡا وَ عَمِلُوا الصّٰلِحٰتِ يَهۡدِيۡهِمۡ رَبُّهُمۡ بِاِيۡمَانِهِمۡ‌ۚ تَجۡرِىۡ مِنۡ تَحۡتِهِمُ الۡاَنۡهٰرُ فِىۡ جَنّٰتِ النَّعِيۡمِ‏ ﴿۹﴾

بلاشبہ جو لوگ ایمان لائے اور نیک اعمال بجا لائے، ان کا رب ان کے ایمان کی بدولت ان کی رہنمائی فرمائے گا؛ ان کے نیچے نہریں بہتی ہوں گی، نعمتوں والے باغات میں۔

وَالَّذِيۡنَ اهۡتَدَوۡا زَادَهُمۡ هُدًى وَّاٰتٰٮهُمۡ تَقۡوٰٮهُمۡ‏ ﴿۱۷﴾

رہے وہ لوگ جنہوں نے ہدایت پا لی ہے، تو وہ انہیں ہدایت میں اور مزید بڑھاتا ہے اور انہیں ان کی تقوٰی (پرہیزگاری) عطا کرتا ہے۔

اَللّٰهُ نَزَّلَ اَحۡسَنَ الۡحَدِيۡثِ كِتٰبًا مُّتَشَابِهًا مَّثَانِىَ ‌ تَقۡشَعِرُّ مِنۡهُ جُلُوۡدُ الَّذِيۡنَ يَخۡشَوۡنَ رَبَّهُمۡ‌ۚ ثُمَّ تَلِيۡنُ جُلُوۡدُهُمۡ وَقُلُوۡبُهُمۡ اِلٰى ذِكۡرِ اللّٰهِ‌ ؕ ذٰ لِكَ هُدَى اللّٰهِ يَهۡدِىۡ بِهٖ مَنۡ يَّشَآءُ‌ ؕ وَمَنۡ يُّضۡلِلِ اللّٰهُ فَمَا لَهٗ مِنۡ هَادٍ‏ ﴿۲۳﴾۔

اللہ تعالیٰ نے بہترین حدیث (قران) نازل فرمائی، ایک ایسی کتاب جو یکساں اور (پہلی کتابوں کو) دہرائی جانے والی ہے، جس کے (پڑھنے یا سننے سے) اپنے رب سے ڈرنے والوں کی کھالیں کانپ جاتی ہیں، پھر ان کی کھالیں اور دل اللہ کے ذکر سے نرم ہو جاتے ہیں۔ یہی آپ کے لیے ہدایت ہے۔ خدا اس قران کے ذریعے جس کو چاہتا ہے ہدایت دیتا ہے اور جسے خدا گمراہ ٹھہراۓ، اس کو کوئی ھدایت دینے والا نہیں ہے۔

تِلۡكَ اٰيٰتُ الۡكِتٰبِ الۡحَكِيۡمِۙ‏ ﴿۲﴾ هُدًى وَّرَحۡمَةً لِّلۡمُحۡسِنِيۡنَۙ‏ ﴿۳﴾ الَّذِيۡنَ يُقِيۡمُوۡنَ الصَّلٰوةَ وَيُؤۡتُوۡنَ الزَّكٰوةَ وَهُمۡ بِالۡاٰخِرَةِ هُمۡ يُوۡقِنُوۡنَؕ‏ ﴿۴﴾ اُولٰٓٮِٕكَ عَلٰى هُدًى مِّنۡ رَّبِّهِمۡ‌ وَاُولٰٓٮِٕكَ هُمُ الۡمُفۡلِحُوۡنَ‏ ﴿۵﴾

یہ حکمت والی کتاب کی آیات ہیں، (2) جو نیکوکاروں کے لیے ہدایت اور رحمت کا ذریعہ ہیں، (3) وہ جو نماز قائم کرتے ہیں، زکوٰۃ دیتے ہیں اور آخرت پر پختہ یقین رکھتے ہیں۔ (4) یہی وہ لوگ ہیں جو اپنے رب کی طرف سے ہدایت پر گامزن ہیں، اور یہی لوگ کامیاب ہونے والے ہیں۔ (5)

الَّذِيۡنَ يُنۡفِقُوۡنَ فِى السَّرَّآءِ وَالضَّرَّآءِ وَالۡكٰظِمِيۡنَ الۡغَيۡظَ وَالۡعَافِيۡنَ عَنِ النَّاسِ‌ؕ وَاللّٰهُ يُحِبُّ الۡمُحۡسِنِيۡنَ‌ۚ‏ ﴿۱۳۴﴾ وَالَّذِيۡنَ اِذَا فَعَلُوۡا فَاحِشَةً اَوۡ ظَلَمُوۡۤا اَنۡفُسَهُمۡ ذَكَرُوا اللّٰهَ فَاسۡتَغۡفَرُوۡا لِذُنُوۡبِهِمۡ وَمَنۡ يَّغۡفِرُ الذُّنُوۡبَ اِلَّا اللّٰهُ وَلَمۡ يُصِرُّوۡا عَلٰى مَا فَعَلُوۡا وَهُمۡ يَعۡلَمُوۡنَ‏ ﴿۱۳۵﴾ اُولٰٓٮِٕكَ جَزَآؤُهُمۡ مَّغۡفِرَةٌ مِّنۡ رَّبِّهِمۡ وَ جَنّٰتٌ تَجۡرِىۡ مِنۡ تَحۡتِهَا الۡاَنۡهٰرُ خٰلِدِيۡنَ فِيۡهَا‌ ؕ ﴿۱۳۶﴾

جو خوشحالی اور تنگدستی (دونوں حالتوں) میں خرچ کرتے ہیں، جو غصے کو پی جاتے ہیں اور لوگوں کو معاف کر دیتے ہیں—اور اللہ نیکی کرنے والوں سے محبت کرتا ہے۔ (134)
اور وہ لوگ جو جب کوئی بے حیائی کر بیٹھتے ہیں یا اپنے اوپر (جانے انجانے گناہ کے کام کر) ظلم کرتے ہیں تو اللہ کو یاد کرتے ہیں اور اپنے گناہوں کی معافی مانگتے ہیں اور اللہ کے سوا گناہوں کو کون بخش سکتا ہے؟ اور انہوں نے جو کچھ کیا اس پر جان بوجھکر اڑے نہیں رہتے۔ (135) ان کا بدلہ ان کے رب کی طرف سے بخشش اور جنّت کے باغات ہیں۔ (136)۔

اِنَّمَا الۡمُؤۡمِنُوۡنَ الَّذِيۡنَ اٰمَنُوۡا بِاللّٰهِ وَرَسُوۡلِهٖ ثُمَّ لَمۡ يَرۡتَابُوۡا وَجَاهَدُوۡا بِاَمۡوَالِهِمۡ وَاَنۡفُسِهِمۡ فِىۡ سَبِيۡلِ اللّٰهِ‌ ؕ اُولٰٓٮِٕكَ هُمُ الصّٰدِقُوۡنَ‏ ﴿۱۵﴾

مومن تو بس وہی ہیں جو اللہ اور اس کے رسول پر ایمان لائے اور پھر انہوں نے کوئی شک نہیں کیا، اور جنہوں نے اللہ کی راہ میں اپنے مال اور اپنی جانوں کے ساتھ جہاد کیا۔ یہی لوگ سچے ہیں۔

فَاعۡبُدِ اللّٰهَ مُخۡلِصًا لَّهُ الدِّيۡنَ ؕ‏ ﴿۲﴾ اَلَا لِلّٰهِ الدِّيۡنُ الۡخَالِصُ‌ ؕ‏ ﴿۳﴾

پس اللہ کی عبادت کرو، اس کے لیے اپنی بندگی کو خالص رکھتے ہوئے۔ (2) یقیناً، خالص بندگی پر صرف اللہ ہی کا حق ہے۔ (3)

قُلۡ اِنِّىۡۤ اُمِرۡتُ اَنۡ اَعۡبُدَ اللّٰهَ مُخۡلِصًا لَّهُ الدِّيۡنَۙ‏ ﴿۱۱﴾

کہہ دیجیے: ”بے شک مجھے حکم دیا گیا ہے کہ میں اللہ کی عبادت کروں، اس حال میں کہ دین میں اسی کے لیے مخلص رہوں۔“

لَاۤ اِلٰهَ اِلَّا هُوَ ؕ عَلَيۡهِ تَوَكَّلۡتُ‌ ؕ وَهُوَ رَبُّ الۡعَرۡشِ الۡعَظِيۡمِ ﴿۱۲۹﴾

اُس کے سوا کوئی معبود نہیں؛ اُسی پر میں نے توکّل (بھروسہ) کیا ہے، اور وہی عظیم عرش کا مالک ہے۔

لِلَّذِيۡنَ اٰمَنُوۡا وَعَلٰى رَبِّهِمۡ يَتَوَكَّلُوۡنَۚ‏ ﴿۳۶﴾ وَالَّذِيۡنَ يَجۡتَنِبُوۡنَ كَبٰٓٮِٕرَ الۡاِثۡمِ وَالۡفَوَاحِشَ وَاِذَا مَا غَضِبُوۡا هُمۡ يَغۡفِرُوۡنَ‌ۚ‏ ﴿۳۷﴾

مومن ہیں وہ لوگ جو ایمان لاتے ہیں اور اپنے رب پر بھروسہ کرتے ہیں (36) اور جو کبیرہ گناہوں اور بے حیائیوں سے بچتے ہیں اور جب غصے میں ہوتے ہیں تو معاف کردیتے ہیں۔ (37)

الَّذِيۡنَ يُنۡفِقُوۡنَ فِى السَّرَّآءِ وَالضَّرَّآءِ وَالۡكٰظِمِيۡنَ الۡغَيۡظَ وَالۡعَافِيۡنَ عَنِ النَّاسِ‌ؕ وَاللّٰهُ يُحِبُّ الۡمُحۡسِنِيۡنَ‌ۚ‏ ﴿۱۳۴﴾

جو خوشحالی اور تنگدستی (دونوں حالتوں) میں خرچ کرتے ہیں، جو غصے کو پی جاتے ہیں اور لوگوں کو معاف کر دیتے ہیں—اور اللہ نیکی کرنے والوں سے محبت کرتا ہے۔

هٰذَا بَصَاٮِٕرُ لِلنَّاسِ وَهُدًى وَّرَحۡمَةٌ لِّقَوۡمٍ يُّوۡقِنُوۡنَ‏ (۲۰)

یہ [قرآن] لوگوں کے لئے دانائی (سمجھ) کی باتیں ہیں اور جو لوگ یقین رکھتے ہیں ان کے لئے ذریعہ ہدایت اور رحمت ہے.

وَلَقَدۡ يَسَّرۡنَا الۡقُرۡاٰنَ لِلذِّكۡرِ فَهَلۡ مِنۡ مُّدَّكِرٍ‏ ﴿۱۷﴾

اور بیشک ہم نے قرآن کو ذریعہ ہدایت کے لیے آسان فرما دیا تو ہے کوئی ہدایت پانے والا ؟

اِنَّمَا الۡمُؤۡمِنُوۡنَ الَّذِيۡنَ اِذَا ذُكِرَ اللّٰهُ وَجِلَتۡ قُلُوۡبُهُمۡ وَاِذَا تُلِيَتۡ عَلَيۡهِمۡ اٰيٰتُهٗ زَادَتۡهُمۡ اِيۡمَانًا وَّعَلٰى رَبِّهِمۡ يَتَوَكَّلُوۡنَ ‌‌ۖ ‌ۚ‏ ﴿۲﴾

مومِن تو وہ ہیں کہ جب اللہ کا ذکر کیا جائے تو ان کے دل لرز اٹھیں، اور جب انہیں اس کی آیات سنائی جائیں تو ان کا ایمان بڑھ جائے، اور وہ اپنے رب ہی پر بھروسہ کرتے ہیں

اِنَّمَا يُؤۡمِنُ بِاٰيٰتِنَا الَّذِيۡنَ اِذَا ذُكِّرُوۡا بِهَا خَرُّوۡا سُجَّدًا وَّسَبَّحُوۡا بِحَمۡدِ رَبِّهِمۡ وَهُمۡ لَا يَسۡتَكۡبِرُوۡنَ‏ ﴿۱۵﴾

محض وہ لوگ مومن ہیں کہ جب ان پر ہماری آیات کا ذِکر ہوتا ہے تو وہ سجدے میں گر جاتے ہیں اور اپنے رب کی حمد کے ساتھ تسبیح کرتے ہیں اور تکبّر نہیں کرتے۔

تَتَجَافٰى جُنُوۡبُهُمۡ عَنِ الۡمَضَاجِعِ يَدۡعُوۡنَ رَبَّهُمۡ خَوۡفًا وَّطَمَعًا وَّمِمَّا رَزَقۡنٰهُمۡ يُنۡفِقُوۡنَ‏ ﴿۱۶﴾

بیشک مومِنوں کے پہلو نماز کے وقت اپنے بستروں کو چھوڑ دیتے ہیں۔ اور وہ اپنے رب کو خوف اور امید سے پکارتے ہیں اور جو کچھ ہم نے ان کو دیا ہے اس میں سے (ضرورت مندوں پر) خرچ کرتے ہیں۔

وَيُقِيۡمُوۡنَ الصَّلٰوةَ وَيُؤۡتُوۡنَ الزَّكٰوةَ ﯀ ﴿۷۱﴾

مومن مرد اور مومن عورتیں نماز قائم کرتے ہیں، زکوٰۃ ادا کرتے ہیں۔

يٰۤـاَيُّهَا الَّذِيۡنَ اٰمَنُوۡا ارۡكَعُوۡا وَاسۡجُدُوۡا وَ اعۡبُدُوۡا رَبَّكُمۡ وَافۡعَلُوۡا الۡخَيۡرَ لَعَلَّكُمۡ تُفۡلِحُوۡنَ ۚ‏ ﴿۷۷﴾

اے ایمان والو رکوع اور سجدہ کرو اور اپنے رب کی عبادت کرو اور نیک کام کرو تاکہ تم فلاح پاؤ۔

قُوۡلُوۡٓا اٰمَنَّا بِاللّٰهِ وَمَآ اُنۡزِلَ اِلَيۡنَا وَمَآ اُنۡزِلَ اِلٰٓى اِبۡرٰهٖمَ وَاِسۡمٰعِيۡلَ وَاِسۡحٰقَ وَيَعۡقُوۡبَ وَ الۡاَسۡبَاطِ وَمَآ اُوۡتِىَ مُوۡسٰى وَعِيۡسٰى وَمَآ اُوۡتِىَ النَّبِيُّوۡنَ مِنۡ رَّبِّهِمۡ‌ۚ لَا نُفَرِّقُ بَيۡنَ اَحَدٍ مِّنۡهُمۡ ؗ وَنَحۡنُ لَهٗ مُسۡلِمُوۡنَ‏ ﴿۱۳۶﴾

کہو: "ہم اللہ پر اور اس (کتاب) پر ایمان لائے جو ہم پر نازل کی گئی اور جو ابراہیم، اسماعیل، اسحاق، یعقوب اور ان کی اولاد پر نازل کی گئی، اور جو موسیٰ اور عیسیٰ کو دی گئی، اور جو دوسرے انبیاء کو ان کے رب کی طرف سے عطا کی گئی۔ ہم ان میں سے کسی کے درمیان کوئی فرق نہیں کرتے، اور ہم اسی کے فرمانبردار ہیں۔"

اِنَّمَا الۡمُؤۡمِنُوۡنَ الَّذِيۡنَ اٰمَنُوۡا بِاللّٰهِ وَرَسُوۡلِهٖ ثُمَّ لَمۡ يَرۡتَابُوۡا وَجَاهَدُوۡا بِاَمۡوَالِهِمۡ وَاَنۡفُسِهِمۡ فِىۡ سَبِيۡلِ اللّٰهِ‌ ؕ اُولٰٓٮِٕكَ هُمُ الصّٰدِقُوۡنَ‏ ﴿۱۵﴾

مومن تو بس وہی ہیں جو اللہ اور اس کے رسول پر ایمان لائے اور پھر انہوں نے کوئی شک نہیں کیا ہو، اور جنہوں نے اللہ کی راہ میں اپنے مال اور اپنی جانوں کے ساتھ جہاد کیا۔ یہی لوگ سچے ہیں۔

وَيُطِيۡعُوۡنَ اللّٰهَ وَرَسُوۡلَهٗ‌ؕ اُولٰۤٮِٕكَ سَيَرۡحَمُهُمُ اللّٰهُؕ اِنَّ اللّٰهَ عَزِيۡزٌ حَكِيۡمٌ‏ ﴿۷۱﴾

مومن مرد اور مومن عورتیں اللہ اور اس کے رسول کی اطاعت کرتے ہیں۔ یہی وہ لوگ ہیں جن پر اللہ رحم فرمائے گا۔ بے شک اللہ زبردستِ قوت والا اور حکمت والا ہے۔

لِلَّذِيۡنَ اٰمَنُوۡا وَعَلٰى رَبِّهِمۡ يَتَوَكَّلُوۡنَۚ‏ ﴿۳۶﴾ وَالَّذِيۡنَ يَجۡتَنِبُوۡنَ كَبٰٓٮِٕرَ الۡاِثۡمِ وَالۡفَوَاحِشَ وَاِذَا مَا غَضِبُوۡا هُمۡ يَغۡفِرُوۡنَ‌ۚ‏ ﴿۳۷﴾

ان لوگوں کے لیے (آخرت میں بڑا اجر ہے) جو ایمان لاتے ہیں اور اپنے رب پر بھروسہ رکھتے ہیں؛ (36) اور جو بڑے گناہوں اور بے حیائی کے کاموں سے بچتے ہیں، اور جو غصے کے وقت معاف کر دیتے ہیں؛ (37)

وَالَّذِيۡنَ اِذَا فَعَلُوۡا فَاحِشَةً اَوۡ ظَلَمُوۡۤا اَنۡفُسَهُمۡ ذَكَرُوا اللّٰهَ فَاسۡتَغۡفَرُوۡا لِذُنُوۡبِهِمۡ وَمَنۡ يَّغۡفِرُ الذُّنُوۡبَ اِلَّا اللّٰهُ وَلَمۡ يُصِرُّوۡا عَلٰى مَا فَعَلُوۡا وَهُمۡ يَعۡلَمُوۡنَ‏ ﴿۱۳۵﴾ اُولٰٓٮِٕكَ جَزَآؤُهُمۡ مَّغۡفِرَةٌ مِّنۡ رَّبِّهِمۡ وَ جَنّٰتٌ تَجۡرِىۡ مِنۡ تَحۡتِهَا الۡاَنۡهٰرُ خٰلِدِيۡنَ فِيۡهَا‌ ؕ ﴿۱۳۶﴾

اور مومن لوگ جو جب کوئی بے حیائی کر بیٹھتے ہیں یا اپنے اوپر (جانے انجانے گناہ کے کام کر) ظلم کرتے ہیں تو اللہ کو یاد کرتے ہیں اور اپنے گناہوں کی معافی مانگتے ہیں اور اللہ کے سوا گناہوں کو کون بخش سکتا ہے؟ اور انہوں نے جو کچھ کیا اس پر جان بوجھکر اڑے نہیں رہتے۔ (135) ان کا بدلہ ان کے رب کی طرف سے بخشش اور جنّت کے باغات ہیں۔

قُلْ لِّـلۡمُؤۡمِنِيۡنَ يَغُـضُّوۡا مِنۡ اَبۡصَارِهِمۡ وَيَحۡفَظُوۡا فُرُوۡجَهُمۡ‌ ؕ ذٰ لِكَ اَزۡكٰى لَهُمۡ‌ ؕ اِنَّ اللّٰهَ خَبِيۡرٌۢ بِمَا يَصۡنَـعُوۡنَ‏ ﴿۳۰﴾ وَقُلْ لِّـلۡمُؤۡمِنٰتِ يَغۡضُضۡنَ مِنۡ اَبۡصَارِهِنَّ وَيَحۡفَظۡنَ فُرُوۡجَهُنَّ﯀ ﴿۳۱﴾

مومن مردوں سے کہہ دیجیے کہ اپنی نگاہیں نیچی رکھیں اور اپنی شرمگاہوں کی حفاظت کریں؛ یہ ان کے لیے زیادہ پاکیزہ طریقہ ہے۔ یقیناً اللہ خوب اُس بات سے باخبر ہے جو وہ کرتے ہیں۔ (۳۰) اور ایمان والی عورتوں سے بھی کہہ دیجیے کہ اپنی نگاہیں نیچی رکھیں اور اپنی شرمگاہوں کی حفاظت کریں۔

وَالَّذِيۡنَ هُمۡ لِفُرُوۡجِهِمۡ حٰفِظُوۡنَۙ‏ ﴿۵﴾ اِلَّا عَلٰٓى اَزۡوَاجِهِمۡ اَوۡ مَا مَلَـكَتۡ اَيۡمَانُهُمۡ فَاِنَّهُمۡ غَيۡرُ مَلُوۡمِيۡنَ‌ۚ‏ ﴿۶﴾ فَمَنِ ابۡتَغٰى وَرَآءَ ذٰ لِكَ فَاُولٰٓٮِٕكَ هُمُ الۡعٰدُوۡنَ‌ ۚ‏ ﴿۷﴾

اور وہ جو اپنی شرمگاہوں کی حفاظت کرتے ہیں (5) سوائے اپنی بیویوں یا ان (لونڈیوں) کے جو ان کی ملکیت میں ہوں، کیونکہ اس صورت میں وہ قابلِ ملامت نہیں (6) لیکن جو کوئی اس کے علاوہ کچھ اور چاہے، تو وہی لوگ حد سے تجاوز کرنے والے ہیں۔ (7)

وَالۡمُؤۡمِنُوۡنَ وَالۡمُؤۡمِنٰتُ بَعۡضُهُمۡ اَوۡلِيَآءُ بَعۡضٍ‌ۘ يَاۡمُرُوۡنَ بِالۡمَعۡرُوۡفِ وَيَنۡهَوۡنَ عَنِ الۡمُنۡكَرِ ؕ ﴿۷۱﴾

مومن مرد اور مومن عورتیں ایک دوسرے کے رفیق و مددگار ہیں؛ وہ نیکی کا حکم دیتے ہیں اور برائی سے روکتے ہیں۔

قُلۡ اِنَّمَاۤ اَنَا بَشَرٌ مِّثۡلُكُمۡ يُوۡحٰٓى اِلَىَّ اَنَّمَاۤ اِلٰهُكُمۡ اِلٰـهٌ وَّاحِدٌ‌  ۚ فَمَنۡ كَانَ يَرۡجُوۡالِقَآءَ رَبِّهٖ فَلۡيَـعۡمَلۡ عَمَلًا صَالِحًـاوَّلَايُشۡرِكۡ بِعِبَادَةِ رَبِّهٖۤ اَحَدًا ﴿۱۱۰﴾

اے محمّدؐ کہہ دو کہ میں تو تم جیسا ایک آدمی ہوں جس پر وحی کی گئی ہے کہ تمہارا معبود صرف ایک ہی معبود ہے۔ پس جو شخص اپنے رب سے ملاقات کی امید رکھتا ہے وہ نیک کام کرے اور اپنے رب کی عبادت میں کسی کو شریک نہ کرے۔

اَلتَّاۤٮِٕبُوۡنَ الۡعٰبِدُوۡنَ الۡحٰمِدُوۡنَ السّاۤٮِٕحُوۡنَ الرّٰكِعُوۡنَ السّٰجِدُوۡنَ الۡاٰمِرُوۡنَ بِالۡمَعۡرُوۡفِ وَالنَّاهُوۡنَ عَنِ الۡمُنۡكَرِ وَالۡحٰــفِظُوۡنَ لِحُدُوۡدِ اللّٰه ِ‌ؕ وَبَشِّرِ الۡمُؤۡمِنِيۡنَ‏ ﴿۱۱۲﴾

توبہ کرنے والے، عبادت کرنے والے، حمد کرنے والے، نماز پڑھنے والے، رکوع کرنے والے، سجدہ کرنے والے، نیکی کا حکم دینے والے اور برائی سے روکنے والے اور اللہ کی مقرر کردہ حدود کی پابندی کرنے والے مومنوں کو خوشخبری سنا دو۔

اۨلَّذِىۡ خَلَقَ الۡمَوۡتَ وَالۡحَيٰوةَ لِيَبۡلُوَكُمۡ اَيُّكُمۡ اَحۡسَنُ عَمَلًا ؕ وَهُوَ الۡعَزِيۡزُ الۡغَفُوۡرُۙ‏ ﴿۲﴾

اُسی نے موت اور زندگی کو پیدا کیا تاکہ تمہاری آزمائش کرے کہ تم میں سے کون عمل کے اعتبار سے بہترین ہے—اور وہ زبردستِ غلبہ والا اور بہت بخشنے والا ہے۔

وَلَيَـعۡلَمَنَّ اللّٰهُ الَّذِيۡنَ اٰمَنُوۡا وَلَيَـعۡلَمَنَّ الۡمُنٰفِقِيۡنَ‏ ﴿۱۱﴾

اور اللہ یقیناً ایمان والوں کو جان لے گا اور منافقوں کو بھی ضرور پہچان لے گا۔

وَلَـنَبۡلُوَنَّكُمۡ بِشَىۡءٍ مِّنَ الۡخَـوۡفِ وَالۡجُـوۡعِ وَنَقۡصٍ مِّنَ الۡاَمۡوَالِ وَالۡاَنۡفُسِ وَالثَّمَرٰتِؕ وَبَشِّرِ الصّٰبِرِيۡنَۙ‏ ﴿۱۵۵﴾ الَّذِيۡنَ اِذَآ اَصَابَتۡهُمۡ مُّصِيۡبَةٌ  ۙ قَالُوۡٓا اِنَّا لِلّٰهِ وَاِنَّـآ اِلَيۡهِ رٰجِعُوۡنَؕ‏ ﴿۱۵۶﴾ اُولٰٓٮِٕكَ عَلَيۡهِمۡ صَلَوٰتٌ مِّنۡ رَّبِّهِمۡ وَرَحۡمَةٌ‌ وَاُولٰٓٮِٕكَ هُمُ الۡمُهۡتَدُوۡنَ‏ ﴿۱۵۷﴾

اور ہم ضرور تمہیں خوف، بھوک اور مال، جانوں اور پھلوں کے نقصان کے ذریعے آزمائیں گے؛ مگر صبر کرنے والوں کو خوشخبری سنا دیجیے۔ (155)
وہ لوگ کہ جب ان پر کوئی مصیبت آتی ہے تو کہتے ہیں: "بلاشبہ ہم اللہ ہی کے ہیں اور یقیناً ہم اسی کی طرف لوٹ کر جانے والے ہیں۔" (156) انہی پر ان کے رب کی طرف سے رحمتیں اور عنایات ہیں، اور یہی لوگ ہدایت یافتہ ہیں۔ (157)

وَالَّذِيۡنَ اٰمَنُوۡا وَعَمِلُوا الصّٰلِحٰتِ سَنُدۡخِلُهُمۡ جَنّٰتٍ تَجۡرِىۡ مِنۡ تَحۡتِهَا الۡاَنۡهٰرُ خٰلِدِيۡنَ فِيۡهَاۤ اَبَدًا‌ ؕ وَعۡدَ اللّٰهِ حَقًّا‌ ؕ وَمَنۡ اَصۡدَقُ مِنَ اللّٰهِ قِيۡلًا‏ ﴿۱۲۲﴾

اور جو لوگ ایمان لائے اور نیک اعمال بجا لائے، ہم انہیں ایسے باغات میں داخل کریں گے جن کے نیچے نہریں بہتی ہوں گی، جہاں وہ ہمیشہ رہیں گے۔ یہ اللہ کا سچا وعدہ ہے؛ اور اللہ سے بڑھ کر بات میں سچا کون ہو سکتا ہے؟

اِنَّ الَّذِيۡنَ اٰمَنُوۡا وَعَمِلُوا الصّٰلِحٰتِۙ اُولٰٓٮِٕكَ هُمۡ خَيۡرُ الۡبَرِيَّةِ ؕ‏ ﴿۷﴾ جَزَآؤُهُمۡ عِنۡدَ رَبِّهِمۡ جَنّٰتُ عَدۡنٍ تَجۡرِىۡ مِنۡ تَحۡتِهَا الۡاَنۡهٰرُ خٰلِدِيۡنَ فِيۡهَاۤ اَبَدًا ‌ؕ رَضِىَ اللّٰهُ عَنۡهُمۡ وَرَضُوۡا عَنۡهُ ‌ؕ ذٰلِكَ لِمَنۡ خَشِىَ رَبَّهٗ‏ ﴿۸﴾

بلاشبہ، جو لوگ ایمان لائے اور جنہوں نے نیک اعمال کیے۔ وہی بہترین مخلوق ہیں۔ (7) ان کے رب کے ہاں ان کا بدلہ "جنّت عدن" ہے۔ جس کے نیچے نہریں بہتی ہیں، جن میں وہ ہمیشہ رہیں گے؛ اللہ ان سے راضی ہے اور وہ اس سے راضی ہیں۔ یہ (انعام) اس شخص کے لیے ہے جو اپنے رب سے ڈرتا ہے۔ (8)

وَعَدَ اللّٰهُ الۡمُؤۡمِنِيۡنَ وَالۡمُؤۡمِنٰتِ جَنّٰتٍ تَجۡرِىۡ مِنۡ تَحۡتِهَا الۡاَنۡهٰرُ خٰلِدِيۡنَ فِيۡهَا وَمَسٰكِنَ طَيِّبَةً فِىۡ جَنّٰتِ عَدۡنٍ‌ ؕ وَرِضۡوَانٌ مِّنَ اللّٰهِ اَكۡبَرُ‌ ؕ ذٰ لِكَ هُوَ الۡفَوۡزُ الۡعَظِيۡمُ‏ ﴿۷۲﴾

اللہ نے ایمان والے مردوں اور ایمان والی عورتوں سے ایسے باغات کا وعدہ کیا ہے جن کے نیچے نہریں بہتی ہوںگی۔ جن میں وہ ہمیشہ رہیں گے۔ اور 'جنّتِ عدن' (ہمیشگی کے باغات) میں پاکیزہ رہائش گاہوں کا؛ اور اللہ کی رضا (ان سب نعمتوں سے) کہیں بڑھ کر ہے۔ یہی سب سے بڑی کامیابی ہے۔

اَلَّذِيۡنَ يَحۡمِلُوۡنَ الۡعَرۡشَ وَمَنۡ حَوۡلَهٗ يُسَبِّحُوۡنَ بِحَمۡدِ رَبِّهِمۡ وَيُؤۡمِنُوۡنَ بِهٖ وَيَسۡتَغۡفِرُوۡنَ لِلَّذِيۡنَ اٰمَنُوۡا‌ۚ رَبَّنَا وَسِعۡتَ كُلَّ شَىۡءٍ رَّحۡمَةً وَّعِلۡمًا فَاغۡفِرۡ لِلَّذِيۡنَ تَابُوۡا وَاتَّبَعُوۡا سَبِيۡلَكَ وَقِهِمۡ عَذَابَ الۡجَحِيۡمِ‏ ﴿۷﴾ رَبَّنَا وَاَدۡخِلۡهُمۡ جَنّٰتِ عَدۡنِ اۨلَّتِىۡ وَعَدْتَّهُمۡ وَمَنۡ صَلَحَ مِنۡ اٰبَآٮِٕهِمۡ وَاَزۡوَاجِهِمۡ وَذُرِّيّٰتِهِمۡ ؕ اِنَّكَ اَنۡتَ الۡعَزِيۡزُ الۡحَكِيۡمُ ۙ‏ ﴿۸﴾ وَقِهِمُ السَّيِّاٰتِ ؕ وَمَنۡ تَقِ السَّيِّاٰتِ يَوۡمَٮِٕذٍ فَقَدۡ رَحِمۡتَهٗ ؕ وَذٰ لِكَ هُوَ الۡفَوۡزُ الۡعَظِيۡمُ ﴿۹﴾

جو لوگ عرش کو اٹھائے ہوئے ہیں اور جو اس کے ارد گرد ہیں وہ اپنے رب کی حمد کے ساتھ تسبیح کرتے ہیں اور اس پر ایمان رکھتے ہیں اور ان لوگوں کے لیے استغفار کرتے ہیں جو ایمان لائے ہیں، [کہتے ہیں کہ] اے ہمارے رب، تو نے ہر چیز کو رحمت اور علم میں گھیر رکھا ہے، پس جن لوگوں نے توبہ کی اور تیرا راستہ اختیار کیا انہیں بخش دے اور انہیں جہنم کے عذاب سے بچا۔ (7)
اے ہمارے رب اور ان کو ہمیشگی کے باغوں میں داخل کر جس کا تو نے ان سے وعدہ کیا ہے اور جو ان کے باپ دادا اور ان کی بیویوں اور ان کی اولاد میں سے صالح ہوں۔ بے شک تو غالب اور حکمت والا ہے۔ (8)
اور ان کو شر سے محفوظ رکھ۔ اور جس کو تو نے اس دن برائی سے بچایا، یقیناً تو نے اس پر رحم کیا۔ اور یہی بڑی کامیابی ہے۔ (9)

**********